ດິນເພາະປູກຂອງປະເທດລາວແມ່ນມີຄຸນນະພາບສູງ ເໝາະແກ່ການປູກກາແຟໃຫ້ໄດ້ຄຸນນະພາບ ເຊິ່ງໄດ້ຖືກບັນທຶກໄວ້ຕັ້ງແຕ່ຕົ້ນສັດຕະວັດທີ 20 ໃນສະໄໝຝຣັ່ງເຂົ້າມາສຳຫຼວດ. ດ້ວຍເອກະລັກຂອງພູພຽງບໍລະເວນເຊິ່ງປະກອບໄປດ້ວຍດິນພູເຂົາໄຟ ແລະ ຢູ່ໃນລະດັບສູງ ເຊິ່ງເປັນສະຖານທີ່ທີ່ນິຍົມປູກກາເຟລາວ. ທຸກມື້ນີ້ກາແຟລາວຖືວ່າເປັນທີ່ນິຍົມ ແລະ ໄດ້ຮັບຄວາມສົນໃຈຫຼາຍຈາກຄົນຮັກກາແຟໃນທົ່ວໂລກ.

ເປັນແບຣນກາເຟລາວ ທີ່ປ່ຽມໄປດ້ວຍຄຸນນະພາບ ທີ່ມີເອກກະລັກ ໃຫ້ໄດ້ອອກໄປສູ່ສາຍຕາໂລກ ຮັບຮູ້ວ່າແຜ່ນດິນພູພຽງບໍລະເວນຄືດິນພູໄຟເກົ່າ ທີ່ອຸດົມໄປດ້ວຍແຮ່ທາດຕ່າງໆ ເປັນອາຫານຊັ້ນເລີດຂອງຕົ້ນກາເຟ,ພື້ນທີ່ຄວາມສູງ ອາກາດເຢັນພໍດີ ການປູກໂດຍທຳມະຊາດ ນຳມາເຊິ່ງເມັດກາເຟທີ່ສະອາດ ກິ່ນຫອມ ລົດຊາດທີ່ລົງໂຕໂດຍບໍ່ຈໍາເປັນຕ້ອງມີການເຕີມແຕ່ງໃດໆ

ຊາວສວນຜູ້ປູກກາເຟ ຍຶດຖືອາຊີບນີ້ມາຈາກບັນພະບຸລູດມາດົນນານເກືອບຮ້ອຍປີ, ປະກອບສ່ວນສ້າງເສດຖະກິດ ສົງຄົມລາວ ໃຫ້ກ້າວຫນ້າ ປະກອບສ່ວນແກ້ໄຂຄວາມທຸກຍາກຂອງປະຊາຊົນບັນດາເຜົ່າ ພ້ອມປະກອບພັນທະຕໍ່ພັກລັດ.
ສ້າງລາຍໄດ້ທີ່ຫມັ້ນຄົງໃຫ້ແກ່ພະນັກງານ ກຳມະກອນແລະສັງຄົມໂດຍລວມ

ຄວບຄຸມດູແລຂັ້ນຕອນການເກັບກ່ຽວ ຈົນເຖິງການຕາກແຫ້ງແລະມາດຕະຖານການເກັບຮັກສາເປັນຕົ້ນ ເພື່ອຄົງຄຸນນະພາບຂອງເມັດກາເຟ.

ມີໂຮງຂົ້ວເມັດກາເຟທີ່ໄດ້ມາດຕະຖານ GMP ແລະ ISO22000 ໃຊ້ເຄື່ອງຂົ້ວທີ່ດີລະດັບຕົ້ນໆຂອງໂລກ ຍີ່ຫໍ້ LORING ຈາກອາເມຣິກາ